38

“ذائقہ دار سندھی بریانی گھر پر بنائیں”

(الحبرنیوز آن لائن)پاکستان بھر میں جہاں بمبئی بریانی، کشمیری اور کابلی پلاؤ مقبول ہے، وہیں سندھی بریانی بھی اتنی ہی مقبول ہے۔
سندھی بریانی کو نہ صرف سندھ یاپاکستان نہیں بلکہ دنیابھرمیں شوق سے تیار کیا اور کھایا جاتا ہے، خصوصی طور پر اس بریانی کو صوبائی دارالحکومت کراچی میں زیادہ تیار کیا جاتا ہے۔
سندھی بریانی کی مقبولیت کی وجہ سے دارالحکومت کراچی کے کئی ہوٹلوں پر بھی اسے تیار کیا جاتا ہے، تاہم جو ذائقہ گھر پر تیار ہونے والی بریانی میں ہوتا ہے، وہ بازار کی بریانی میں کہاں؟
سندھی بریانی کو تیار کرنا تھوڑا محنت طلب ضرور ہے، مگر اتنا مشکل بھی نہیں کہ اسے گھر پر تیار نہ کیا جاسکے۔

اجزاء

مرغی گوشت۔۔۔۔۔۔۔۔ 500 گرام چھوٹی بوٹیاں
آلو ۔۔۔۔۔۔۔۔۔۔۔۔300 گرام کاٹ لیں*
ٹماٹر۔۔۔۔۔۔۔۔۔۔ 250 گرام کاٹ لیں*
پیاز۔۔۔۔۔۔۔۔۔۔ 2 عدد کاٹ لیں*
آلو بخارے ۔۔۔۔۔۔ 150 گرام*
دہی۔۔۔۔۔۔۔۔۔۔ 150 گرام*
کوکنگ آئل 2۔۔۔۔۔۔۔ کپ*
بریانی ایسنس۔۔۔۔۔ حسب ضرورت*
سرخ مرچ پاؤڈر ۔۔۔۔۔۔حسب ضرورت*
نمک۔۔۔۔۔۔۔۔۔۔۔۔ حسب ضرورت*
ہری مرچ 6۔۔۔۔۔۔۔۔۔۔ عدد*
پودینہ اور دھنیا۔۔۔۔۔۔۔۔ ایک ایک گٹھی*
لہسن اور ادرک پاؤڈر۔۔۔۔۔ ایک ایک چائے کا چمچ*
مکس ثابت گرم مصالحہ۔۔۔۔۔۔۔۔۔ 75 گرام کوٹ لیں*
زردے کا رنگ۔۔۔۔۔۔۔۔۔ حسب ضرورت*
ترکیب
1)- سب سے پہلے ایک برتن میں آدھے تیل کے ساتھ پیاز تلیں،اور انہیں دہی کے ساتھ بلینڈ کرلیں۔
2)- ایک علیحدہ برتن میں باقی تیل میں لہسن، ادرک اور گرم مصالحہ بھن لیں، جب یہ بھن جائیں تو ان میں آلو ڈال لیں۔
3)- مصالحہ اور آلو گل جائیں تو اس میں گوشت ڈال کر تھوڑا سا پانی ڈال کر بھن لیں، آخر میں ٹماٹر، پیاز، نمک، دھنیا پودینہ،دہی، آلو بخارہ اور دیگر چیزیں بھی ڈال دیں۔
الگ برتن میں چاول بوائل کریں۔ -(4
5)- ایک بڑے برتن میں پہلے قورمہ پھر اس کے اوپر چاول ڈالیں، سب سے اوپر بریانی ایسنس اور زردے کا رنگ ڈال کر تھوڑے پانی کے ساتھ دم کرلیں۔
چند منٹ بعد اتارکر پلیٹوں میں نکال لیں۔ -(6

اس خبر پر اپنی رائے کا اظہار کریں